Римал Бат, студент од Лондон, направи маска за евакуација при пожар којашто на корисникот му дава екстра 15 минути кислород за дишење, што е од големо значење при ваков тип на несреќи.
Неговиот дизајн е едноставен и лесен за употреба, како алтернатива на постоечките маски коишто го зафаќаат поголем дел од лицето, пишува Dezeen.
Маската е поефикасно решение од причина што го насочува воздухот само кон устата, а исто така е и универзална, односно одговара на секого. На носот има стегалки, а дишењето низ уста е безбедно и не влегува воопшто чад. Изработена е од трајна и достапна ABS пластика со цел да може секој да си ја дозволи.
Дизајнот на Бат вклучува и технолошки дел, наменет за да ги извести пожарникарите за ситуацијата во опожарениот објект, односно за бројот на луѓе и дали истите се безбедно евакуирани. Кога корисникот со маската ќе помине низ излезот вградена радиофреквенција праќа порака до читач во пожарната со што пожарникарите знаат дека личноста е на безбедно.
Фото: Pixabay
