Тестирањa открија тешки метали во темното чоколадо

42

Откако тестовите открија штетни нивоа на тешки метали, магазинот Consumer Reports повика четворица американски производители на чоколада да се обврзат до 14 февруари да го намалат количеството на опасните елементи, особено олово и кадмиум, во нивните производи од темно чоколадо.

Consumer Reports во писмата до компаниите The Hershey, Mondelez International, Theo Chocolate и Trader Joe навела дека долготрајната изложеност на метали може да резултира со проблеми со нервниот систем, имуносупресија и оштетување на бубрезите, пренесува Poslovni dnevnik повикувајќи се на Reuters.

Писмата што Consumer Reports ги испрати на адресите на четирите компании беа поддржани од речиси 55.000 потписници на петицијата.

Минатиот месец, ова списание објави дека дури 23 од 28 тестирани црни чоколади имале потенцијално штетни нивоа на олово, кадмиум (или и двете) за луѓето кои јадат повеќе од 28 грама чоколадо дневно.

Пет чоколади тестирани содржеле покачени нивоа на двата метали. Consumer Reports истакнува дека многу потрошувачи јадат темно чоколадо поради неговите потенцијални здравствени придобивки и релативно пониски нивоа на шеќер од обичното чоколадо. Четири именувани компании не одговориле на прашањата.

Националното здружение на слаткари во Соединетите држави истакна дека здравствените упатства во Калифорнија што ги користи Consumer Reports, за кои смета дека обезбедуваат најголема достапна заштита, „не се стандарди за безбедност на храната“ и дека чоколадото е безбедно за јадење.

Фото: Pixabay