Тетекс од Тетово, во текот на деветте месеци од оваа година, оствари вкупна сеопфатна добивка од 44.405.000 денари, покажува консолидираниот биланс на успех објавен на Македонска берза.
Во периодот јануари – септември лани, компанијата прикажа добивка од 36.341.000 денари.
Вкупните приходи од продажба, заклучно со 30-ти септември 2017 година, изнесуваа 148.791.000 денари. Од тој износ на домашен пазар се реализирани 78.735.000 денари, а на пазари во странство продажбата достигна 70.056.000 денари.
Тетекс од Тетово е компанија што се занимава со текстилна индустрија. Исто така има вложување и во други дејности: банкарство, електро – машински услуги и инженеринг, трговија со нафтени деривати и слично.
