Тим на Меѓународниот монетарен фонд предводен од Џесмин Рахман од 29 јуни до 8 јули ќе престојува во Скопје со цел спроведување на Годишниот преглед на македонската економија.
Тимот на крајот од Мисијата ќе соопшти прелиминарни оценки и ќе го подготви целосниот извештај, којшто ќе биде дискутиран на состанок на Извршниот борд на ММФ, чиј датум ќе биде објавен дополнително.
Посетата на тимот на ММФ е дел од редовните активности на Меѓународниот фонд за следење на состојбите со економијата што се вршат во сите 188 земји-членки.
