Автомобилскиот гигант Тојота е подготвен да ги рестартира своите фабрики во Јапонија, откако неуспехот на производствениот систем го запре производството во најпродаваниот производител на автомобили во светот.
Тојота ќе продолжи да работи со 25 производни линии во десетина фабрики на домашниот пазар, пренесува Мина повикувајќи се на Ројтерс.
Компанијата продолжува да ја истражува причината за прекинот, за кој рече дека не е предизвикан од сајбер напад.
Домашното производство на Тојота закрепнуваше по намалувањето на производството. Порасна за 29 отсто во периодот од јануари до јуни, што е прво вакво зголемување во последните две години.
Производството во Јапонија беше во просек околу 13.500 возила дневно во првата половина од годината, без возилата Даихатсу и Хино.
Операциите беа прекинати на еден ден и минатата година кога добавувачот претрпе сајбер напад, со што беше нарушена способноста на Тојота да нарачува делови. Тојота продолжи да работи користејќи ја помошната мрежа.