Три модели за спас на Croatia Airlines

34

Консултантските куќи PBZ и DBV, коишто се ангажирани да пронајдат стратешки партнер и модел за докапитализација на Croatia Airlines, до крајот на годината треба да предложат решение за спас на хрватскиот авиопревозник, пишува Вечерњи лист.

Едно од решенијата предвидува создавање на холдинг на хрватски аеродроми и Croatia Airlines. Второто решение подразбира пензиските фондови да го преземат Croatia Airlines и аеродромите, а третата можност е да се преземе и ACI (Adriatic Croatia International), којашто е ланец на 22 марини во Хрватска.

Во холдингот би влегле сите аеродроми коишто се во доминантна државна сопственост – Дубровник, Сплит, Задар, Риека, Пула и Осиек, освен загрепскиот аеродром што е под концесија.

Хрватските власти во септември донесоа одлука за докапитализација на Croatia Airlines со околу 33,5 милиони евра.

Фото: Pixabay