Познатиот такси сервис Uber од денеска (22 октомври) точно на пладне почнува со работа во Загреб. Услугите на компанијата ќе бидат достапни преку официјални мобилни апликации за iPhone, Android и Windows Phone уреди, пишува Нетокрација.
Uber во Хрватска влегува со услугата UberX. Како што пишува порталот, за разлика од контроверзниот UberPop, возачите на UberX се лиценцирани и работат во согласност со хрватските закони.
Жителите на Загреб се првите што ќе можат да нарачаат Uber возило, а од следната година компанијата размислува своите услуги да ги понуди и во Дубровник, Сплит и Риека.