Грција планира да го зголеми данокот на пренос на имот од 3,09% на 15% за купувачи надвор од ЕУ, а зголемувањето моментално се очекува да стапи на сила на 1 јули 2027 година.
Планот го најави грчкиот премиер Киријакос Мицотакис на Меѓународниот саем во Солун, a mерката е дел од пакетот вреден 2,2 милијарди евра, кој вклучува и програма од 2 милијарди евра за субвенционирање станбени кредити, постепено намалување на трошоците за електрична енергија и укинување на годишниот данок на недвижности во малите населени места.
Зголемувањето се однесува само на станбени недвижности. Канцелариите, малопродажните единици, магацините, хотелите и градежното земјиште остануваат на 3,09% за сите купувачи.
Последиците за купувачите би биле сериозни. За недвижност вредна 300.000 евра, данокот би се зголемил од 9.000 на 45.000 евра. Кај имот од 500.000 евра, наместо досегашните 15.000 евра, данокот би достигнал 75.000 евра.