На две седмици пред истекот на рокот само 130.850 граѓани поднеле Годишна даночна пријава до Управата за јавни приходи, се вели во соопштението.
Имајќи во предвид дека се очекува уште 270.000 граѓани да ги пријават своите приходи во управата, а со цел намалување на метежите во даночните канцеларии особено во Скопје, отворени се дополнителни шалтери за прием на Годишни даночни пријави во Центар, како и општините Ѓорче Петров, Бутел, Гази Баба и Аеродром.
Во Скопје досега поднесени се вкупно 50.058 даночни пријави, во Битола 17.669, во Тетово 11.050, во Струмица 7.873, во Прилеп 19.231 и во Штип 24.969.
Исто така, граѓаните можат да ги достават пријавите и преку мобилните даночни шалтери.
