Светската јавност будно ја следи ситуацијата околу скандалот во кој e вмешан најголемиот германски производител на автомобили Volkswagen.
Тамошните медиуми го споменуваат името на уште еден германски автомобилски гигант – BMW.
Оттаму велат дека тие не манипулирале со тестовите за емисија на штетни гасови, демантирајќи ги пишувањата дека и на нивни дизел возила се направени измами, пишува Reuters.
“Не постои разлика во третирањето на емисијата на штетни гасови без оглед на тоа дали возилата се тестираат или веќе се наоѓаат на патиштата“, велат од BMW.
Германскиот магазин Auto Bild во четвртокот пишуваше дека моделот BMW X3 xDrive 20d ги надминува Euro 6 стандардите за емисија на штетни гасови. Тестирањата ги изврши Меѓународниот совет за еколошки транспорт (ICCT).
