Директор на Фондот за иновации и технолошки развој (ФИТР), Коста Петров даде отчет за едномесечната работа на оваа функција:
Потпишан 71 договор со вкупен износ од 3.112.339 евра, од кои 1.605.311 се ФИТР кофинансирање а 1.507.028 кофинансирање на корисниците.
Подготвивме два нови предизвици за стартапи и нов повик за кофинансирани грантови.
Креиравме нова годишна и среднорочна програма која за првпат вклучува стратешки фокус на стартапи, корпоративна иновативност и социјални претприемништво.
Целосно ја променивме менторската програма и за првпат овозможуваме менторство за одбиени апликанти но и потенцијални корисници.
Развиваме нови финансиски инструменти и стратегија за Fund of Funds.
Потпишавме меморандум за соработка со Стартап Македонија и креиравме Стартап Совет.
Потпишавме меморандум за соработка со Асоцијацијата за е-трговија и развиваме заедничка платформа за онлјан продажба за микро компаниите во планските региони.
Во финална фаза е ребрендирањето на ФИТР со комплетно ново лого и една сосема нова приказна!
И сето ова немаше да биде можно без беспрекорниот тим на ФИТР. Бескрајно сум благодарен на можноста да работам со толку добри професионалци! Создаваме иднина. Заедно!, пишува Петров на Фејсбук.
Фото: Facebook
