Вкупното производство на шумски производи во државните шуми во третото тримесечје од 2023 година, во однос на третото тримесечје од 2022 година, е зголемено за 10,1 отсто, соопшти Државниот завод за статистика.
Зголемување на шумското производство е забележано кај трупците, рудничкото дрво, другото обло дрво – од иглолисни
и листопадни видови и кај огревното дрво од листопадни видови, а намалување кај просторното и огревното дрво од иглолисни видови и кај другото грубо обработено дрво, цепениците, дрвените столбови и колците.
Во истиот период продажбата на шумски сортименти изнесува 199 632 метри кубни и бележи зголемување од 16,2 процента.
