Фото: Meet Block
Холандскиот дизајнер, Ернст Конинг креираше мобилна хексагонална кутија којашто помага во борбата против зависноста од паметни телефони.
Изумот наречен Block е направен од алуминиум и може да собере до седум смартфони и да ги блокира сите сигнали.
Со помош на алуминиумот се оневозможува проток на електрични струи генерирани од надворешни или внатрешни електромагнетни полиња. Тоа важи за Wi Fi и сите останати телефонски сигнали, пишува Dezeen.
Според дизајнерот, шестоаголната кутија е многу поефикасна од исклучување на телефоните, од причина што истите пак се во видно поле и корисникот паѓа во искушение да ги употреби.
