Управувачката компанија за изградба на рускиот гасовод кој треба да се протега од Русија до Германија под Балтичкото Море, Nord Stream -2 (Северен поток 2), изброја 120 компании кои ќе бидат на удар на санкциите на САД.
“Секоја закана со примена на санкции против проектот Северен поток-2, врши влијание на цела низа западни изведувачи и инвеститори. Ако санкциите стапат во сила, тие ќе ударат по повеќе од 120 компании од 12 земји во Европа, стои во соопштението од Nord Stream.
Американскиот Стејт департмент воведе нови санкции против компаниите кои даваат услуги, стоки или финансирање за модернизација или инсталација на опрема на пловилата кои ќе работат на гасоводниот проект, пренесува МИА.
Во Вашингтон, гасоводот го гледаат како инструмент за ширење на злонамерното влијание на Русија во Европа и закана за диверсифицираниот енергетски пазар на ЕУ.
Фото: Pixabay