Медитеранот којшто во нормални услови привлекува околу една третина од туристите во светот и оваа година ќе биде најпосакувана летна дестинација, пишува хрватски Вечерњи лист.
Многу туристички земји овие денови настојуваат да привлечат туристи. Меѓу земјите влегуваат: Хрватска, Франција, Грција, Шпанија, Турција…
Хрватска годинава ќе привлекува туристи со слоганот Trust me, I’ve been there. Земјата за годинава планира да оствари барем 60% од туристичкиот промет од рекордната 2019 година.
Грција, како инспирација го има хитот на The Beatles, All You Need is Love и пред неколку денови започна шестмесечна кампања под слоганот All you want is Greece и има за цел да постигне 50% од резултатите во 2019 година. Се надеваат дека со оваа кампања ќе привлечат околу 15 милиони туристи.
Шпанија овој месец ја претстави промотивната кампања под слоганот Вие ја заслужувате Шпанија (You deserve Spain). Пред пандемијата земјата примала околу 84 милиони странски туристи, а за годинава се надева на околу 45 милиони.
Најголем конкурент на Шпанија и понатаму е Франција, којашто во нормални услови имала 90 милиони туристи и 57 милијарди евра приходи. Со кампањата What really matters во 10 европски земји, Франција го промовира животниот стил, особено во руралните и ретко населени предели.
Фото: Pexels