Акциите на американските компании колективно поставија нов рекорд на затворањето во четвртокот, завршувајќи ја скратената недела поради прославата на католичкиот Божиќ со раст, по охрабрувачките извештаи за економските ризици предизвикани од омикрон варијанта на вирусот Ковид-19.
Индексот S&P 500 порасна за 0,6 отсто на 4.725,79 поени, надминувајќи го својот историски максимум на 10 декември. Забележа раст три дена по ред и порасна за 2,3 отсто во текот на неделата.
Индексот на технолошката компанија Nasdaq 100 порасна за 0,8 отсто.
На месечна основа, S&P 500 овој месец порасна за 3,5 отсто, а на годишна основа за 26 отсто. Сепак, според аналитичарите, неизвесноста во однос на влијанието на новата варијанта врз економијата најверојатно ќе предизвика повеќе промени на пазарот. Инвеститорите останаа оптимисти во четвртокот, откако американските регулатори одобрија пилула за борба против коронавирусот на фармацевтската компанија Мерк, давајќи им на пациентите со висок ризик уште една опција за домашно лекување, според Блумберг.