На задолжувања што се бројат во милијарди евра, на досега дадените ветувања за развој и прогрес, стапката на економски раст од околу 3% не е ниту спектакуларна ниту повод за фалење – вели за „Локално“ Џевдет Хајредини, еден од поранешните министери за финансии, актуелен надворешен член на Советот за безбедност на чие чело е претседателката Гордана Силјановска-Давкова. Според новите прогнози на Светска Банка годинава ќе ја завршиме со економски раст од 3,1%.
Сведочиме на предизборен популизам, во реалноста со сегашната кондиција на економијата и со сегашните стапки на економски раст ние сме сè подалеку од европскиот стандард – вели Џевдет Хајредини, поранешен министер за финансии.
“Во Македонија во изминатите 30 години годишната просечна стапка на економски раст изнесува 2%. И домашните и меѓународните институции, Владата, Светска Банка, кредитните агенции, може да прогнозираат и да лицитираат со бројки, но релноста е поинаква – факт е дека, потенцирам, во три децении, ние имаме просечен раст од само 2%. Која е таа Влада што преземала или ќе направи нешто да се одлепиме од оваа состојба“ – вели Хајредини.
Според новата прогноза на Светска Банка, годинава ќе ја завршиме со економски раст од 3,1% додека следните две години растот ќе изнесува 3%. Според економските анализи на Светска Банка земјите од Западен Блкан се соочуваат со нов бран на забавување на економскиот раст поради инфлацијата.
Целиот текст на Локално.мк