Мизо очекува 10-тина компании да инвестираат во првиот квартал од 2014

Во првиот квартал од следната 2014 година, директорот на Дирекцијата на технолошки индустриски развјони зони, Виктор Мизо, очекува конечна одлука за инвестирање во Македонија да донесат 10-тина компании.
Мизо потенцираше дека најважно е што инвестициите се за повеќе локации на територијата на државата и не се сконцентрирани само на едно место, како што Џонсон контрол отвори фабрика во Штип, Комберт и Шуберт во Битола, Дрекселмаер и Кофикаб во Кавадарци.
Мизо, исто така, најави и дека американска компанија за производство на воздушни перничиња ќе отвори своја фабрика во Кичево и ќе обезбеди околу 1.000 работни места.
Директорот пред почетокот на трибината Странските инвестиции како двигател на македонската економија, најави дека ќе се отвораат и нови работни места во другите економски зони низ државата.