Volkswagen, специјално за светското првенство во фудбал, ќе ја претстави најуспешната светска фудбалска апликација Onefootball. Апликацијата за паметни телефони Onefootball Бразил бесплатно ќе може да се симне, а ќе биде достапна и на македонски јазик. Ексклузивното издание на апликацијата на Volkswagen, наменета за светското првенство, ќе содржи важни и навремени вести за играчите, тимовите и резултатите, како и видео од најдобрите моменти на натпреварите.
Volkswagen е партнер на фудбалот низ целиот свет. Апликацијата, преведена на повеќе од 40 јазици, им овозможува на народите од светот да следат се што ќе се случува оваа година на фудбалскиот мега настан.
