Aквизициите и спојувањата на компании годинава може да ги собори сите рекорди

20

Се чини дека за краток временски период никогаш немало повеќе аквизиции во милијарди долари. Најновата е ширењето на Coca-Cola која купи конкурент за фантастични 5,6 милијарди долари. Претходно, инвестициската банка JPMorgan објави дека планира да купи 75 проценти од платежната единица на Volkswagen…

Според податоците на КПМГ, обемот на аквизиции и спојувања на компании до крајот на оваа година би можел да ги собори сите рекорди и да достигне вредност од 6 билиони долари. За споредба, претходниот рекорд беше поставен во 2015 година на 4,8 билиони долари.

Зошто бизнисите одлучуваат за овие потези?

Според експертите, активното купување и спојување со други компании експлодираше оваа година поради комбинација од три фактори, од кои некои постоеја и пред пандемијата: вишок инвестициски капитал; динамика на опортунистички купувачи и нетрпеливи продавачи, еволуција на трансакциските процеси…

Исто така, треба да се има на ум дека како што кризата напредува и каматните стапки не се менуваат, многумина во финансискиот свет ја користат можноста да го инвестираат вишокот капитал – било за да обезбедат подобар бизнис во неизвесен контекст или за да ги развијат бизнисите на бранот на оптимизам.

Најголемата аквизиција на Кока-Кола досега

На втори ноември, Coca-Cola објави дека стекнала целосна контрола над производителот на спортски пијалоци, Bodyarmor, за 5,6 милијарди долари, што го прави ова најголемото купување на Coca-Cola на еден бренд досега.
Гигантот купи 15 отсто од акциите во Bodyarmor во 2018 година и со тоа стана негов втор најголем акционер, а сега објави дека го презема остатокот од акциите. Во тоа време, кошаркарската легенда Коби Брајант беше третиот најголем акционер во Bodyarmor по инвестицијата во 2013 година, само две години по нејзиното основање.

ЏП Морган и Фолксваген

Инвестициската банка JP Morgan ги објави плановите да купи мнозински удел од близу 75 отсто во одделот на Volkswagen за платен промет. Американскиот банкарски гигант изјави дека со овој договор ќе ги прошири своите капацитети за дигитални плаќања и за прв пат ќе влезе во автомобилската индустрија.

Ова е само едно во низата аквизиции и инвестиции на JP Morgan оваа година. Компанијата постигна договор во јуни да ја преземе британската компанија за онлајн управување со богатство Nutmeg, како и да ја купи платформата OpenInvest со седиште во Сан Франциско, која е фокусирана на етички инвестиции.

Амазон го купи МГМ

Американската компанија за е-трговија Амазон објави дека го купила филмското студио МГМ за 8,45 милијарди долари, што е најамбициозниот потег во филмската индустрија, пренесува CNBC.

Ова е втора најголема аквизиција на Амазон откако го купи синџирот продавници Whole Foods во 2017 година. Амазон вели дека сака да ја искористи богатата историја на студиото, како и неговиот огромен каталог од 4.000 филмови и 17.000 ТВ серии за да го зајакне бизнисот на својата филијала Амазон Студио.

Infobip го купи Peerless Network

Хрватски Infobip, глобална клауд комуникациска платформа и водечка ИТ компанија во регионот, потпишаа купопродажен договор за преземање на американската компанија Peerless Network, глобален давател на услуги VoIP (Глас преку IP) со седиште во Чикаго.
Вредноста на аквизицијата е доверлива информација, а плаќањето е извршено со комбинација на пари и акции на Infobip. Раководството на Peerless Network, исто така, инвестираше делови од сопствените акции во Peerless Network во Infobip.

Римац Бугати

Летово одекна информацијата дека младиот хрватски претприемач, Мате Римац, ја презел култната марка на автомобили Bugatti.
Со спојувањето на Rimac Automobili и Bugatti се создаде Bugatti Rimac .