Аутомакедонија прикажа вкупна сеопфатна добивка во висина од 13.022.000 денари, покажува деветмесечниот биланс на успех објавен на Македонска берза.
Во периодот јануари – септември лани, компанијата прикажа добивка од 19.527.000 денари.
“Нето добивката пред оданочување е намалена за 37% во 2018 година во однос на 2017 година за наведениот период, повторно потенцирајќи во најголем дел поради намалување на приходите од дивиденди и зголемување на финансиските расходи“, стои во Краткото образложение на финансиските извештаи.
Вкупните приходи од продажба, заклучно со 30-ти септември 2018 година, имаа вредност од 282.204.000 денари, додека една година претходно изнесуваа 279.238.000 денари.