Цените на акциите пораснаа на европските берзи во петокот наутро, благодарение на падот на цените на нафтата, па индексот STOXX 600 е на пат кон својот прв неделен раст по три недели пад.
Индексот STOXX 600 на водечките европски акции беше во пораст од 0,6 проценти во 9:30 часот наутро, што значи дека е во пораст во споредба со почетокот на неделата.
Утрово, лондонскиот индекс FTSE доби 0,46 проценти, на 10.728 поени, додека франкфуртскиот DAX порасна за 0,51 процент, на 25.396 поени, а парискиот CAC се зголеми за 0,28 проценти, на 8.104 поени.
Инвеститорите беа охрабрени од малиот, но сепак пад на цените на нафтата, по два дена силен раст.
Благодарение на ова, цените на акциите во туристичкиот сектор пораснаа најмногу утрово, во просек за 1,2 проценти, како и акциите на авиокомпаниите.