Банкарскиот сектор во Србија во 2012 година работел со добивка од 75,7 милиони евра, соопшти Агенцијата за стопански регистри.
“Позитивно работеле 22 банки, а 10 имале загуби, додека вкупното ниво на деловна активност на банкарскиот сектор, мерен преку вкупни приходи и расходи е приближно исто со она од 2011 година”, изјави регистраторот во Регистарот за финансиски извештаи и бонитет, Ружица Стаменковиќ.
Според Стаменковиќ, најголема загуба направила Развојна банка Војводина, потоа следуваат НЛБ, Алфа банка, Војводинска банка и Пиреус банка.
Листата на банки со најголеми добивки во последните две години е непроменета и на неа се Банка Интеза, Рајфајзен, Уникредит, Комерцијална банка и АИК.
Кредитната активност на банките во 2012 година е зголемена за 9,8% на што влијаеше ослабената кредитна способност на стопанството и проблемите со наплата на пласманите.
Банките минатата година го намалиле бројот на вработени за 1.905 работници.
