„Далековод“, како сопственик на конзорциум составен од „Далековод“ д.д., „Елнос БЛ Бања Лука“ и „Кодар Енергомонтажа“, потпиша договор вреден 19,7 милиони евра со АД МЕПСО, државната компанија за пренос на електрична енергија од Македонија, објави „Далековод“ во четврток.
Договорената работа вклучува испорака и изградба на 400 киловолтен далновод од Битола, преку Охрид, до границата меѓу Македонија и Албанија.
Новата трансформаторска станица Охрид е во изградба, а изведувач е Кончар.
Станува збор за важен инфраструктурен проект кој обезбедува долгорочна стабилност на електроенергетскиот систем во поширокиот регион, според објавата на Загрепската берза.
Планираниот рок за завршување на работите е средината на 2028 година.
Со овој договор, Далековод, кој работи како дел од групацијата Кончар, дополнително ја зајакнува својата позиција на регионалниот и европскиот пазар како една од клучните компании во модернизацијата и изградбата на енергетски објекти од највисоко ниво на сложеност, се наведува во соопштението.