Намалувањето на прагот на регистрација за даночни обврзници од два милиони на еден милион денари, беше тема на расправа на конференцијата што ја организираше Правниот факултет во Скопје, јавува Миа.
Со ваквото решение физичките лица кои оствариле дополнителни приходи кои надминале еден милион денари по автоматизам стануваат ДДВ обврзници, односно се подложни на плаќање на оваа законска обврска.
Измената на прагот на регистрација е направена во 2014 година, а почна со важење од први јануари 2015 година.
