На 20-ти ноември, започнува талент програмата за вгнездени (eng.: embedded) системи, во организација на Сеавус. Програмата опфаќа двонеделен тренинг и една недела практична работа на реални проекти. Практичната работа не е задолжителна, стои во соопштението.
Темата на овој тренинг е корекција и доработка на Linux оперативниот систем и изработка на прилагоден Linux оперативен систем за користење во вгнездени системи. Предавањата и тренинзите ќе ги водат експерти од Сеавус од областа на вгнездените системи.
Програмата е наменета за дипломирани или студенти на последната година од студиите на некои од техничките факултети. Студентите ќе бидат избрани по пат на интервју или тестирање на нивните знаења за програмскиот јазик C и користење на Линукс оперативниот систем. Оттука, потребно е основно ниво на нивно познавање.
На крајот од програмата, најдобрите и највредните учесниците ќе се стекнат со можност за вработување во Сеавус ембедед тимот кој работи на слични проекти за големи интернационални компании.
Часовите ќе се одвиваат во работните денови, во периодот од девет до 15 часот.
Сите заинтересирани можат да аплицираат на career.seavus.com, најдоцна до 15-ти ноември 2017 година: http://career.seavus.com/job-opportunities/job/embedded-talent-program.
