ЕУ ќе одвои една милијарда евра за инфраструктурата на Балканот

10

evra

Еврокомесарот Јоханес Хан во средата на Конференцијата за Западен Балкан што се одржа во Приштина најави дека ЕУ ќе издвои една милијарда евра за подобрувањето на инфраструктурата во земјите од Западен Балкан. На Конференцијата присуствуваа министри за надворешни работи и транспорт од Албанија, БиХ, Косово, Македонија, Црна Гора и Србија.

Проектите што треба да се реализираат до 2030 година, ќе бидат разгледани на состанокот на премиерите на шесте држави закажан за 21-ви април во Брисел. Веќе во 2015 година ќе бидат достапни 130 милиони евра од IPA II фондовите, како грант на инвестицијата.

Листата на приоритетни проекти за инфраструктурниот развој на Западен Балкан и подобрувањето на транспортот, официјално ќе биде претставена во август на Самитот во Виена.