Националниот авиопревозник на Босна и Херцеговина, FlyBosnia се соочува со сериозни финансиски потешкотии поради пандемијата. Во изминатите денови отпуштени се 20 вработени, а платите не им се исплатени до крајот на договорите за вработување, пренесува Klix.ba.
Авиопревозникот во периодот март и април имаше само хуманитарни летови, односно превоз на медицинска опрема од Кина кон Босна и Херцеговина и Црна Гора.
Според пишувањата на Klix.ba, FlyBosnia до следната пролет ќе пружа услуги за чартер летови за домашни туристички агенции, но со изнајмен авион и екипаж.
Авионот којшто досега го користеше националниот авиопревозник на БиХ ќе биде приземјен поради неговата старост и можноста за големи дефекти.
Доколку на пролет повторно постави авиолинии кон Европа и Блискиот исток, ќе мора да обезбеди нов авион и да врати дел од вработените.
Фото: Facebook
