Инвестицискиот фонд International Strategic Ventures од Оман ја презема словенечката компанија за превоз до аеродроми, GoOpti, пренесуваат словенечките медиуми.
Вредноста на преземањето не е позната, но основачите на GoOpti, Марко Гучек и Томаж Лоренцети, засега остануваат во компанијата. Гучек рекол дека преземањето е координирано, потпишано и веќе завршено.
Вредноста на преземањето не е позната, но финансискиот извештај GoOpti покажува дека во 2020 година вредноста на нивниот имот бил нешто помал од 670.000 евра, што е двојно помалку одошто во 2019 година.
Се очекува новиот сопственик годината да ја заврши со 20 вработени, а се верува дека ќе се воведат нови услуги кога повторно ќе почнат со работа аеродромите и туристичките активности.
GoOpti во 2018 година оствари добивка од 39.000 евра, а во 2019 година 30.000 евра, додека минатата година регистрирала загуба од 77.000 евра. Падот на приходите е уште поизразен, бидејќи тие од 5,8 милиони евра во 2019-та се намалија на 1,6 милиони евра во 2020 година.
Фото: Pexels