Фото: Pixabay
Од 2043 најбогати луѓе на светот за 2017 година, според листата на Forbes, 227 се жени. Минатата година на листата се најдоа 202 жени. Жените сочинуваат 11% од оваа листа и заедно заработуваат 852,8 милијарди долари. Поголемиот дел од најбогатите жени, парите ги наследиле.
Втора година по ред Французинката Лилијан Бетенкорт е најбогата жена со богатство од 39, 5 милијарди долари. Нејзиното богатство е за 3,4 милијарди долари поголемо од минатата година. Бетенкорт поседува третина од козметичката компанија L’Oreal со своите деца. Нејзиниот татко Еужен Шилер ја основал компанијата во 1907, а починал во 1957 година.
На второто место е Алис Валтон, која тежи 33,8 милијарди долари, што е за 1,5 милијарди долари повеќе од минатата година. Таа е единствена ќерка на основачот на Wal-Mart, Сем Валтон од кого има наследено акции и дивиденди.
На листата топ 10 најбогати жени се наоѓаат жени кои не ѝ се познати на јавноста, а богатството го стекнале од големи и познати брендови. Жаклин Марс има богатство од 27 милијарди долари, а нејзиниот дедо Франк Марс ја има основано компанијата Mars.
Мариа Франка Фисоло има богатство од 25,2 милијарди долари благодарение на свекорот (таткото на познатиот крем Нутела), а нејзиниот покоен сопруг Мишел Фереро ја изгради империјата Ferrero Group.
Лорин Повел Џобс сопругата на Стив Џобс има богатство од 20 милијарди долари од акциите во Apple и Disney.
Ова е листата на десетте најбогати жени:
- Лилијан Бетенкорт, 39,5 милијарди долари
- Алис Валтон, 33,8 милијарди долари
- Жаклин Марс, 27 милијарди долари
- Мариа Франка Фисоло, 25,2 милијарди долари
- Сузан Клатен 20,4 милијарди долари
- Лорин Повел Џобс, 20 милијарди долари
- Џина Рајнхарт, 15 милијарди долари
- Абигејл Џонсон, 14,4 милијарди долари
- Ирис Фонбона, 13,7 милијарди долари
- Бит Хеситер, 13,6 милијарди долари
