Одлуката на германската влада да воведе карантин со цел намалување на ширењето на новиот коронавирус скапо ќе ја чини економијата, предупредуваат експертите.
“Секоја недела карантин ќе чини околу 3,5 милијарди евра од бруто домашниот производ (БДП), истакна Енцо Вебер од Институтот за истражување на пазарот на труд и вработување.
Тој истакна дека карантинот има негативно влијание врз развојот на вработување во Германија.
Германската економија може да падне за 5,5% оваа година, според Бундесбанк, и да се зголеми за 3% следната година. Според Бундесбанк, закрепнувањето во 2022 година треба да се забрза до 4,5%, надминувајќи ги претходните проекции од 3,8%.
Канцеларката Ангела Меркел и премиерите на 16 германски сојузни држави се согласија во среда да се воведе целосен карантин, што ќе трае до 10 јануари.
Со мерките меѓу другото предвидуваат дека средба може да имаат најмногу пет лица од две домаќинства. Исклучок ќе биде периодот од 24 и 26 декември, односно за време на Божикните празници, но не и за дочекот на Нова година.
Од 16 декември се затвораат продавниците, освен оние за суштинска стока.
Владата бара од луѓето да се воздржат од патувања и да ги намалат контактите кои не се апсолутно неопходни. Владата најави и дополнителна економска помош.
Фото: Pixabay
