Зимската депресија го погоди германскиот пазар на трудот и го турна индексот на расположение за февруари под неутрални 100 поени за прв пат по половина година.
Институтот за истражување на пазарот на трудот и занимањата (IAB) го подготвува индексот секој месец врз основа на анкета на сите агенции за вработување во земјата за очекувањата во следните три месеци, пренесува ДПА.
Сега, „производството губи 15.000 работни места секој месец“, рече аналитичарот на IAB, Енцо Вебер.
Индексот IAB е водечки индикатор за состојбата на германскиот пазар на труд. Конкретните бројки за февруари ги објави Федералната агенција за вработување во петок.
Три петтини од агенциите за вработување очекуваат забрзано елиминирање на работните места во машинската и автомобилската индустрија. „Општата вработеност сè уште се држи, но е оптоварена од случувањата во индустријата“, рече Вебер.
Слична проценка објави и минхенскиот институт IFO. „Работодавците повторно стануваат повоздржани на пазарот на трудот“, рече директорот за истражување на IFO, Клаус Волрабе.
„Многу компании планираат да отпуштат повеќе работници отколку што имаат намера да вработат“, додаде тој.