Amazon ја задржа лидерската позиција на листата највредни брендови светот, зголемувајќи ја својата вредноста за една третина за една година. Денес компанијата на најбогатиот човек на планетата, Џеф Безос, “тежи“ 415.855.000.000 долари, покажува извештајот на консултантската компанија Kantar.
Според BrandZ Top 100 most valuable global brands, рангирањето на компаниите е споредби нивната пазарната капитализација заедно со истражување на мислењето на над 3,8 милиони луѓе од целиот свет.
Втор највреден бренд во светот е Apple, којшто достигна вредност од 352,2 милијарди долари, додека зад него се најде Microsoft со вредност од 326,5 милиони долари. Со оваа вредност, Microsoft го истисна Google од третата позиција и го смести на четврто место со вредност од 323,6 милијарди долари.
Меѓу 10-те највредни брендови во светот, според овој извештај, се и: Visa (186 милијарди долари), Alibaba Group (152,5 милијарди долари), Tencent (150,9 милијарди долари), Facebook (147 милијарди долари), McDonald’s (129 милијарди долари) и Mastercard (108 милијарди долари).
На дното на листата највредни брендови се најдоа: Commonwealth Bank (13,5 милијарди долари), Pepsi (13,3 милијарди долари), Lancome (13,6 милијарди долари), Bank of China (13,6 милијарди долари) и Lowe’s (13,7 милијарди долари).
Вкупната вредност на овие 100 брендови што се најдоа на листата достигна пет трилиони (илјади милијарди долари) или пораст од 5,9%. Предвидувањата за раст, што беа направени пред пандемијата, беа пооптимистички и на ниво од 9%.
Фото: Freepik
