Фото: Pixabay
Во обид да привлече што повеќе клиенти и да го зголеми времето што постоечките корисници го поминуваат на апликацијата, Snapchat воведува нова услуга, јавува Reuters.
Со неа корисниците ќе можат да споделуваат приказни и надвор од самата апликација, односно со помош на функцијата Discover тие ќе можат да ги споделат Official Stories, Our Stories и Search Stories преку линкови што ќе се отвораат преку официјалната страница на Snapchat.
Our Stories и Search Stories ќе бидат достапни 30 дена за разлика од претходно кога исчезнуваа само по неколку секунди откако корисникот ќе ги види, додека Official Stories ќе исчезнат по 24 часа.
Компанијата не ја исклучува опцијата да воведе монетизација за приказните.
