Српскиот бизнисмен, Миодраг Костиќ ќе инвестира 20 милиони евра во хотел на Копаоник, соопшти неговата компанија.
Станува збор за инвестирање во Гранд хотел, којшто важи за еден од најпознатите и најпрестижни хотели во Србија.
“Активностите почнаа на 12-ти април, а се очекува да завршат до почетокот на зимската сезона во декември оваа година“, соопштуваат од MK Group.
Групацијата од 2009-та година, кога го презела големиот хотелски комплекс, досега инвестирала повеќе од 50 милиони евра во објектите и придонесе за развој на Копаоник, како еден од важните планински туристички дестинации во Србија.
Фото: МK Group