Кованите пари за колекционерски цели Владимир, Наталија и Олга од серијата Ден на Ангел се издадени и пуштени во оптек, соопшти Народна банка на Македонија.
На аверсот на кованата пара Владимир е претставен ангел наведнат над дете во моментот на крштевањето. Претставени се обоени, златни ѕвезди околу ангелот и три свеќи околу детето. Во средишниот дел од аверсот на монетата е прикажан грбот на Република Македонија. На десната страна, по должината на периметарот, се прикажани натписите: Република Македонија и 100 денари на македонски јазик, како и годината на издавање 2015.
На реверсот, во средишниот дел од монетата е прикажана слика на свети Владимир – Владимир I, великиот кнез на Киев и на цела Русија, истакнат политички владетел во античките времиња, кој го прифатил христијанството во 998 година и ја христијанизирал Киевска Русија. На долниот дел од монетата е прикажана црквата на кнезот Владимир во Лужники (Москва) во близина на реката Москва. На левата страна е прикажан замок – симболот на св. Владимир. Замокот е одделен од својот одраз во водата со името Владимир напишано на македонски јазик. На десната страна е вметнат кристал сваровски, коj наликува на зелен јаспис (среќниот камен на св. Владимир), како и натписите: Ден на Aнгел (на македонски јазик) и ознаката Аg 925.
На аверсот на кованата пара Наталија е претставен ангел наведнат над дете во моментот на крштевањето. Претставени се обоени, златни ѕвезди околу ангелот и три свеќи околу детето. Во средишниот дел од аверсот на монетата е прикажан грбот на Република Македонија. На десната страна, по должината на периметарот, се прикажани натписите: Република Македонија и 100 денари на македонски јазик, како и годината на издавање 2015.
На реверсот, во средишниот дел од монетата е претставена слика на света Наталија од Никомидија – ранохристијанска маченичка (почеток на IV век), сопруга на маченикот Адријан од Никомидија. На долниот дел е прикажана црквата на светиот маченик Адријан и преподобна Наталија, која се наоѓа во областа Добрјански (Русија), изградена на бреговите на реката Кама. На десната страна е прикажано семејство ежoви – симбол на името на Наталија. На левата страна е вметнат црвен кристал сваровски, кој го претставува среќниот камен на Наталија (хелиотроп – крвав камен). На десната страна е напишано името Наталија (на македонски и на руски јазик), а на левата страна се прикажани натписите: Ден на Aнгел (на македонски јазик) и ознаката Аg 925.
Кованата пара Олга ги има следниве карактеристики: на аверсот е претставен ангел наведнат над дете во моментот на крштевањето. Претставени се обоени, златни ѕвезди околу ангелот и три свеќи околу детето. Во средишниот дел од аверсот на монетата е прикажан грбот на Република Македонија. На десната страна, по должината на периметарот, се прикажани натписите: Република Македонија и 100 денари на македонски јазик, како и годината на издавање 2015.
На реверсот, во средишниот дел од монетата е претставен ликот на светата рамноапостолна Олга, сопруга на киевскиот велики кнез Игор. Кнегињата Олга била првата жена владетел во Русија и првата владетелка на Русија која го прифатила христијанството. Таа била канонизирана како прва руска светителка од православната црква. На десната страна е прикажан леопард – симболот на св. Олга. На левата страна е вметнат жолт кристал „сваровски“, кој го претставува среќниот камен на Олга (килибар). На десната страна е напишано името Олга (на македонски и на руски јазик), а на левата страна се прикажани натписите: Ден на Ангел (на македонски јазик) и ознаката Аg 925.
Овие ковани пари се изработени од сребро Аg925, со тежина на среброто од 28,28 г, чистота на среброто 26,16 г, во овална форма со димензии од 30 х 50 мм, полирана со тампон печатење и вметнат кристал сваровски со димензиja 2,6 мм.
Цената на кованите пари Владимир, Наталија и Олга изнесува 3.500 денари.
Кованите пари за колекционерски цели издадени од Народната банка се законско средство за плаќање во Република Македонија.
