Нафташите се договорија: Го намалуваат производството во октомври

61

Организацијата на земјите извознички на нафта (ОПЕК) и нејзините сојузници, предводени од Русија, се договорија за мало намалување на производството на нафта за да ги зголемат цените кои се лизнаа поради стравувањата од економско забавување, па затоа испораките ќе бидат намалени.

Производителите на нафта ќе го намалат производството за 100.000 барели дневно, што е само 0,1 отсто од глобалната побарувачка.

Тие, исто така, се согласија дека можат да се состанат во секое време за да го прилагодат производството пред следниот закажан состанок на 5 октомври.

ОПЕК Плус е претпазлив поради продолжената нестабилност на цените, поттикната од слабото макро расположение, слабата ликвидност и обновените блокади во Кина, како и неизвесноста околу потенцијалниот договор САД-Иран и напорите да се создаде плафон на цената на нафтата во Русија“, рече Метју Холанд од Energy Aspects.

Саудиска Арабија, минатиот месец навести можност за намалување на производството поради прекумерната нестабилност на цените на нафтата.

Референтната сурова нафта Брент, која чинеше 120 долари за барел во јуни, сега падна на околу 95 долари за барел поради стравувањата од рецесија на Запад.