Технолошкиот гигант Apple го има приматот на највреден бренд во светот за оваа година со 241,2 милијарди долари, според магазинот Forbes.
Вицешампионската позиција ја зазема Google, чиј бренд, според магазинот вреди 207,5 милијарди долари, а веднаш зад него е Microsoft со вредност од 162,9 милијарди долари.
Првата петорка највредни брендови ја комплетираат Amazon со 135,4 милијарди долари и Facebook со 70,3 милијарди долари.
Од ова може да се заклучи дека петте највредни компании во светот ѝ припаѓаат на технолошката дејност.
Втората половина од 10-те највредни брендови ја сочинуваат: Coca – Cola (64,4 милијарди долари), Disney (61,3 милијарди долари), Samsung (50,4 милијарди долари), Louis Vuitton (47,2 милијарди долари) и McDonald’s (46,1 милијарда долари).
Од вкупно 100 највредни брендови, на дното се најдоа: Volkswagen (7,9 милијарди долари), FedEx (7,9 милијарди долари), EY (осум милијарди долари), Burger King (8,2 милијарди долари) и KFC (8,3 милијарди долари).
Најголем скок во вредноста на својот бренд за оваа година, Forbes ги одвојува: Netflix (72%), Chanel (42%), Amazon (40%), Microsoft (30%) и PayPal (24%).
Како најголеми “губитници“ се најдоа: Facebook (-21%), Wells Fargo (-16%), Mercedes Benz, Ford и GE (со по -14%).
Фото: Freepik