Во новоотворениот Apple музеј во Прага може да се види најголемата приватна колекција на Apple производи од 1976 до денес, пишува Macrumors.
Музејот се наоѓа во реновирана историска зграда, а надворешните прозорци се декорирани со интересни дизајни од Apple производи, мислите на Стив Џобс, каде е сместена и популарната изрека за трите јаболка од непознат автор.
Меѓу изложените производи се стари компјутери како Apple Lisa од 80-тите, Apple II и уште неколку постари Mac и NeXT компјутери. Во еден дел се изложени и неколку принтери, во друг се наоѓаат примероци од PowerMac и iMac, а во трет се прикажани различни типови на iBook, PowerBook и MacBook модели.
Исто така е изложена и секоја верзија на iPhone и iPad, почнувајќи од 2007 година. Помеѓу производите се наоѓаат и неколку лични предмети од Џобс, како алманахот од средно, една јакна и разни документи.
Во ресторанот којшто се наоѓа во музејот се нуди веган храна, во чест на Стив Џобс, чија исхрана беше токму таква, а има и игротеки за деца.
Билетите за влез можат да се купат од веб страната на Apple музејот по цена од 11 евра.
Целата збирка фотографии е објавена на Imgur.
