Падот на активноста во индустријата во еврозоната се продлабочи во јуни, како одраз на намаленото производство и побарувачка, и покрај пониските цени, покажа истражувањето на S&P Global.
Конечниот индекс на менаџери за набавка (PMI) во индустријата во еврозоната падна во јуни за 1,5 поени во однос на мај, на 45,8 поени, објави Хамбуршката комерцијална банка (HCOB), која ги составува извештаите за S&P Global.
Така, неговата вредност се одржува под 50 поени веќе две години, што сигнализира пад на активноста.
Во јуни производството се намали најмногу од почетокот на годината, по знаците на стабилизација во претходниот месец, а намалена е и побарувачката, утврди HCOB.
Производителите бележат пад на странските нарачки речиси две и пол години, покажа извештајот.
Најлош резултат повторно забележа германската индустрија, поради натпросечната изложеност на автомобилската индустрија, која е во неволја во светски размери, додаваат оттаму.
Пад забележаа и производителите во Италија и Франција, а светла точка во групата водечки економии на еврозоната беше Шпанија, покажа извештајот.
