Прва меѓу 500 најуспешни компании на планетата

133

Магазинот Fortune ја објави годинешната листа 500 Global, на којашто се најдоа најуспешните компании во светот.

Во текот на минатата година, овие компании оствариле приходи од 33,3 илјади милијарди долари и профит од над две илјади милијарди долари. Во овие 500 компании се вработени околу 70 милиони луѓе.

На прво место е американската корпорација Walmart, додека кинеската државна нафтена групација Sinopek е втора. Првата петорка ја заокружуваат: State Grid, China National Petroleum и Royal Dutch Shell.

Меѓу 10-те најуспешни, според Fortune, се и: Saudi Aramco, Volkswagen, BP, Amazon и Toyota Motors.

Walmart веќе 26 години е дел од оваа листа, а овојпат е прва благодарение на тоа што оствари приходи од 523.964.000.000 долари, а профитот се позиционираше на 14.881.000.000 долари или 123,1% повеќе во однос на претходната година.

Во првите 50 места има 12 кинески корпорации, меѓу нив четири банки.

Фото: Freepik