Приходите на Русија од извоз на злато првпат ги надминаа приходите од продажба на природен гас, покажуваат податоците од Федералната царинска служба и централната банка на Русија.
Како што пренесува Спутник, руски компании во април и мај продале 65,4 тони злато во вредност од 3,55 милијарди долари. За истиот период, испораката на природен гас на земјата ѝ донесе 2,4 милијарди долари. Тој приход му припаѓа на Gasprom, којшто го има монополот на извоз на суровини што се пренесуваат преку цевковод.
Оваа ситуација, според експертите, се случува за прв пат во историјата на современа Русија.
Фото: Pixabay
