Во време на пандемија, кога многу работници остануваат без работа, еден работник од Лесковац (Србија) на својот роденден добил неочекуван подарок од својот работодавач.
Станува збор за стан којшто е подарок од приватна фирма за неговиот 20-годишен труд, пренесува Jugmedia.rs.
Компанијата Метла Комерц од Лесковац е во сопственост на двајца браќа, а среќникот е 43-годишниот Иван Јовановиќ. Тие го презеле бизнисот од нивниот татко што го основал во 1990-та година.
“Верувајте ми, уште мислам дека сонувам. Бев збунет и во таков шок сум што буквално занемев“, вели Јовановиќ.
Инаку, Јовановиќ е од селото Винарци, каде во релативно нова куќа живее со сопругата и двете ќерки, а станот го добива не затоа што е материјално загрозен, туку само за напорниот труд што го вложувал во компанијата во изминатите 20 години.
Фото: Freepik
