Рудникот Аргајл повеќе не е во игра – Русија станува најголем производител на обоени дијаманти

75

Еден од најголемите руски производители на дијаманти, Alrosa наскоро ќе го преземе водството на пазарот со обоени дијаманти, кога ќе се затвори австралискиот рудник Аргајл.

Aвстралискиот рудник во моментов е најголем производител на ваков вид скапоцен камен, а неговото затворање е предвидено за втората половина од оваа година затоа што, по повеќе од 30 години експлоатација, неговата понатамошна работа е економски непрофитабилна, пренесува Russia Today.

Се очекува неговото затворање да има влијание врз целата глобална индустрија на дијаманти, како и дека Русија ќе стане главен снабдувач на најскапоцени камења.

“По затворањето на рудникот Аргајл, ќе станеме најголем производител на обоени дијаманти во светот и ќе ја преземеме водечката позиција на пазарот на тие скапоцени камења“, изјави директорот на Alrosa, Павел Виникин.

Oбјаснува дека неговата компанија поседува неколку производители на обоени дијаманти, како што се Severalmaz и Almazi Anabara, од кои последниот е познат по откритието на 14,83 каратниот розов дијамант со име “Душата на розата“, којшто би можел да стане најскапиот руски скапоцен камен.

Фото: Pixabay