Се ограничува работното време на угостителските објекти до 23 часот, освен за тие што вршат достава

426

На денешната 13-та седница, Владата на Република Северна Македонија ги прифати препораките на Комисијата за заразни болести да се ограничи работното време на сите угостителски објекти до 23 часот, освен за оние што вршат испорака, информираат од Владата.

Дополнително, на денешната седница е одлучено да се ограничи капацитетот на патници во возилата на јавниот превоз на 50% од вкупниот број на патници предвидени во едно возило.

Исто така, Владата ја прифатила и препораката, целата државна и јавна администрација, општините и судовите, согласно принципот на работа и работниот процес, организирање на работата да се одвива во смени или онлајн од дома, или пак редуцирано со систем на ротации, зависно од карактеристиките на работниот процес на институциите, се додава во владиното соопштение.

На денешната седница Владата го утврди Предлог-закон за изменување и дополнување на Законот за градење со кој се предвидува изградба на посебен вид на градби односно модуларни градби за здравствена дејност, чија изградба е финансирана со средства од Буџетот на Република Северна Македонија или со средства од Европската Унија односно друга меѓународна организација, заради зголемување на ефикасноста на здравствениот систем при справувањето со коронавирусот КОВИД-19.

Фото: Pixabay