Загубите во словенечкиот банкарски сектор пред оданочувањето, во првите девет месеци од оваа година изнесувале 76 милиони евра, објави словенечката централна банка.
Кредитната активност на банките и понатаму се намалува, а кредитниот ризик се зголемува, па уделот на кредити кои коминтетнтите на банките ги отплаќаат со задоцнување поголемо од 90 дена порасна на 14,2%.
На зголемување на кредитниот ризик и загуба на банките и понатаму најмногу влијание имаат отписите на резервациите, кои за една година се зголемени за 20,2%.
Билансот на банките во првите девет месеци е намален за 1,9 милијарди евра, на 46,9 милијарди евра. Променета е и нивната структура, па така банките својата задолженост во хартии од вредност ја намалиле за 1,4 милијарди евра, кај странските банки се раздолжиле за 1,3 милијарди евра, а депозитите на државата во банките се намалени за 900 милиони евра.
