Пандемијата на Ковид-19 ја сруши глобалната економија. Меѓународниот монетарен фонд (ММФ) очекува глобалниот бруто домашен производ (БДП) да падне за 4,9% оваа година, Светската банка (СБ) предвидува пад од 5,2%, а Организацијата за економска соработка и развој проценува дека падот ќе биде 6%.
Меѓународен монетарен фонд
Поминаа само неколку месеци од почетокот на пандемијата, а Меѓународниот монетарен фонд веќе предвидува пад на глобалниот БДП за 4,9% во 2020 година, во претходната прогноза, таа бројка беше 3%. Во последната криза во 2009 година, којашто го зафати целиот свет, падот беше 2,1%.
Прогнозите на ММФ за следната година, исто така, не се оптимистички. Тие предвидуваат раст на БДП од 5,4%. Така, на крајот на 2021 година, глобалниот БДП ќе биде за 6,5% понизок отколку што се очекуваше во јануари. Двете прогнози не подразбираат ограничувања од големи размери, поради вториот бран на Ковид-19. Многу земји веќе се враќаат во карантин: воведена е вонредна состојба во Чешка, Шпанија, Велика Британија и Германија.
Светска банка
Светска банка неодамна ја подобри прогнозата за цената на нафтата за следната година, од 38 на 44 долари за барел. Светска банка очекува дека во 2021 година, економската активност во светот ќе се врати на нивото пред пандемијата.
Светската банка, како и ММФ, ја ажурираше својата официјална прогноза за светската економија за следната година во текот на летото. Според нив, глобалниот БДП се очекува да порасне за 4,2% (откако падна за 5,2% во 2020 година).
Светска банка очекува зголемување на сиромаштијата заради пандемијата.
“До 60 милиони луѓе ќе бидат сиромашни, што ќе ги поништи напорите за борба против сиромаштијата во последните три години. Семејствата изгубија свои блиски, милиони работни места се згаснати, здравствените системи се под огромен притисок“, рече претседателот на Светска банка, Дејвид Малпас.
Рејтинг агенцијата Фич (Fitch)
Меѓународната агенција за кредитен рејтинг, Фич признава дека економскиот раст следната година ќе го компензира падот на оваа година. Глобалниот БДП ќе порасне за 5,2%.
Русија и САД нема да ги надминат последиците од кризата до крајот на 2021 година. По ова прашање, само Кина има среќа, бидејќи во 2021 година, стапката на раст на кинеската економија ќе се зголеми за 7,7%.
Во Соединетите држави, БДП ќе порасне за 4% (откако падна за 4,6% оваа година), во Русија, економијата ќе порасне за 3,6% (откако се намали за 4,9% оваа година).
Организацијата за економска соработка и развој предвидува раст на глобалниот БДП од 5,2% во 2021 година, но во отсуство на втор бран на Ковид-19. Ако земјите продолжат да воведуваат ограничувања, светската економија ќе порасне за само 2,8%.
Фото: Pixabay
