Иако има многу кои едвај чекаат да помине 2020 година, несомнено е дека пандемијата на коронавирус и начините на кои компаниите мораа да се прилагодат за да обезбедат опстанок ги променија изгледите за 2021 година и начините на кои би можеле да се подготват бизнисите за следната година .
Бизнисменот, автор, говорник и милијардер Бернард Мар пишува за Forbes дека, како футурист, тој им помага на компаниите да ги разберат најновите трендови и технологии и дава упатства како да го подготват својот бизнис во овие нови услови. Ги носи и најдобрите трендови што ќе го поттикнат секој бизнис во 2021 година. “Верувам дека секоја компанија ширум светот мора да биде подготвена за овие трендови“, вели тој.
Работа од дома како стандард
Кога на вработените им беа дадени наредби за заклучување поради Ковид, компаниите мораа брзо да ги прилагодат своите активности со работење од далечна. Сега, кога се научени лекции од тој првичен експеримент, повеќето компании го преиспитуваат целиот свој деловен модел. Дали канцелариите сè уште се потребни? Некои фирми доживеале зголемување на продуктивноста кога нивната работна сила работела од дома. Сепак, работата од дома не беше идеална за другите. Затоа, во 2021 година, компаниите треба да ги редизајнираат своите работни простори и да обезбедат соодветна поддршка на луѓето кои работат од дома, како што е опремување со соодветна канцелариска опрема, поддршка за ментално здравје и уште повеќе за секој да може удобно да работи од дома.
Податоците како средство
Во текот на последните неколку години, количината на податоци нагло се зголеми. Податоците во “облак“ ви овозможуваат пристап до податоци од каде било. Фирмите мора да ги штитат податоците исто како и секое друго средство. Друга важна работа што компаниите треба да ја разгледаат е како да ја зголемат писменоста за податоците кај своите вработени, со цел да се добие увид во донесувањето одлуки.
Иновации во деловниот модел
Секој лидер во бизнисот во 2021 година треба да размисли што им нуди на клиентите и како работат. Имаше многу индустрии кои беа целосно трансформирани во 2020 година, како што се угостителската индустрија и управувањето со настани. Компаниите кои во моментов напредуваат – дури и за време на пандемија – се оние кои реагирале брзо на промените. На пример, рестораните кои обезбедија проширени можности за испорака ги сменија своите типични операции за да обезбедат опстанок. Иако компаниите секогаш морале да размислуваат за тоа како се менува пазарот и какви трансформации влијаат врз нивниот бизнис, во 2021 година ќе биде поважно да се иновира вашиот деловен модел.
Автоматизација
Друг голем деловен тренд во 2021 година ќе биде автоматизацијата. Компаниите ќе ги редефинираат своите деловни процеси за да видат каде луѓето можат да излезат од процесот кога не додаваат вистинска вредност. Веќе има голем напредок во оваа насока од магацини, ланци за снабдување, автономни возила, камиони и бродови, како и од чет-ботови кои автоматски собираат податоци.
Виртуелна реалност
Бидејќи компаниите се натпреваруваа да најдат нови начини за давање услуги на клиенти кои не влегуваа во продавници, тие исто така почнаа да размислуваат за тоа како некои услуги може да се обезбедат во дигитални форми со употреба на технологија како што се виртуелна реалност. За да се усогласат со наредбата да останат дома, луѓето би користеле виртуелни аватари за да “испробаат“ шминка, очила и облека.
Фото: Pixabay
