Во просториите на Семос Едукација во Скопје денеска се одржа првата Microsoft Data Insight Immersion работилница за корисници од финансискиот сектор во Македонија.
На настанот учествуваа претставници од големи македонски компании и институции. Работилницата опфати повеќе теми и практични вежби посветени на Деловна Интелигенција (BI) и обработка на бази на податоци, нешто кое е од исклучителна важност и е потребно за секое правно лице кое има потреба за обработување на податоци од различен вид.
Системите за Деловна интелигенција овозможуваат поедноставно да се добијат релевантни информации и трендови од податоците во претпријатието. Работилницата беше организирана од локалната канцеларија на Microsoft во Македонија.