Во Охрид денеска почнува четвртото издание на Codefest, настан на којшто млади информатичари имаат можност да ги развиваат своите идеи, пишува Миа.
Манифестацијата ќе трае до недела, а на него најавено е учество на студенти, средношколци, ИТ професионалци и претставници од бизнис заедницата, старт – ап компании и инвестициски фондови. Најавено е и учество на претставници од Словенија, Полска, Бугарија, Хрватска и Босна и Херцеговина.
Манифестацијата ја организира Здружението за развој Старт – ап зона од Охрид.
Во рамки на манифестацијата ќе се одржат еднодневна технолошка конференција Codeference, маратонско кодирање од 32 часа Codefest Marathon и изложбено експо за претставници од ИТ бизнис секторот и образовните институции CF X Business Expo.